NavBharat Samay

અંબાલાલ પટેલની આગાહી :રાજ્યમાં વરસાદનું જોર ઘટશે ,જાણો ફરી ક્યારે વરસાદની પધરામણી થશે?

હવામાન વિભાગે આજનો દિવસ ઉત્તર ગુજરાત માટે ભારે રહેવાની આગાહી કરી છે. આજે ઉત્તર ગુજરાતમાં ભારેથી અતિભારે વરસાદની આગાહી કરી છે, જેથી બનાસકાંઠા, કચ્છ, સુરત સિવાયના જિલ્લામાં વરસાદ નહીંવત જોવા મળી શકે છે. હવામાન વિભાગનું માનીએ તો 26 ઓગસ્ટથી બનાસકાંઠા, સુરત અને કચ્છ સિવાયના જિલ્લામાં વરસાદનું જોર ઘટવાની વાત કરી છે.

આ રાઉન્ડમાં રાજ્યમાં ધોઘમાર વરસાદ પડ્યો છે. અનેક જગ્યાએ હવે અતિવૃષ્ટિની હાલત જોવા મળી છે. રાજ્યમાં ઓગસ્ટમાં જ સરેરાશ 102 ટકાથી વધારે વરસાદ પડી ગયો છે. સૌરાષ્ટ્રમાં ખેડૂતો ને હવે ભારે વરસાદથી પાક નિષ્ફળ જવાનો ડર છે. એટલું જ નહીં અનેક જગ્યાએ ભારે વરસાદ થી ખેતરોમાં ઊભો પાક ધોવાયો છે. આ સમયે હવે રાહતના સમાચાર છે કે 26મી ઓગસ્ટથી રાજ્યમાં વરસાદનું જોર ઘટશે. હવામાન વિભાગ ના કહેવા પ્રમાણે 26થી 29મી ઓગસ્ટ સુધી વરસાદમાં રાહત મળશે.

હાલ ચારેબાજુ મેઘરાજાએ જળબંબાકાર કરી નાંખ્યું છે, અનેક જગ્યાએ પૂરની સ્થિતિ પ્રવર્તી રહી છે. ત્યારે આજે હવામાન વિભાગ દ્વારા રાજ્યના નાગરિકોને હાશકારો થાય તેવી એક આગાહી કરવામાં આવી છે. હવામાન વિભાગે આજે (મંગળવારે) પણ એક આગાહી કરી છે. હવામાન વિભાગનું માનીએ તો આવતી કાલથી (બુધવાર) વરસાદનું જોર ઘટી જશે તેવી આગાહી કરી છે. આવતીકાલથી ગુજરાત પર સર્જાયેલી વરસાદી સિસ્ટમ નબળી પડશે, જેના કારણે આગામી 29મી ઓગસ્ટ સુધી વરસાદમાંથી રાહત મળશે.

હવામાન નિષ્ણાત અંબાલાલ પટેલની પણ આગાહી કરી છે રાજ્યમાં 26 થી 29 ઓગસ્ટ સુધી વરસાદનું જોર ઘટશે. આ ઉપરાંત 30 ઓગસ્ટથી વધુ એક વરસાદી સિસ્ટમ સક્રિય થશે. જેના કારણે 30 ઓગસ્ટથી 3 સપ્ટેમ્બર સુધી ઉત્તર અને મધ્ય ગુજરાત સહિત રાજ્યના કેટલાક ભાગમાં ભારે વરસાદ થશે. ચોથી સપ્ટેમ્બરના દરિયાકિનારે ભારે પવન ફૂંકાશે. જે બાદમાં 7 થી 12 સપ્ટેમ્બર સુધી ફરી વરસાદ પડશે.

Read More

Related posts

‘બજરંગી ભાઈજાન’ની મુન્ની 5 વર્ષમાં આટલી બદલાઈ ગઈ, તસવીરો જોઈને ઓળખી નહિ શકો

Times Team

પૂર્વ રાષ્ટ્રપતિ પ્રણવ મુખર્જીનું અવસાન, પુત્ર અભિજિતે ટ્વિટ કરી માહિતી આપી

Times Team

માત્ર 1 લાખ રૂપિયામાં ઘરે લઇ આવો મારુતિ સ્વીફ્ટ ડિઝાયર,આપે છે 24 KMPL માઈલેજ

mital Patel