BJP ઉમેદવારોની બીજી યાદીમાં વાર લાગવા પાછળ જવાબદાર છે આ 3 મોટા કારણો, જાણો ક્યાં કોકડું ગુચવાયું ?

ભાજપે એક લિસ્ટ જાહેર કરી દીધું છે અને હવે ટૂંક સમયમાં જ બીજી યાદી પણ આવવાની છે. જો કે હવે આ વાતને લઈ તૈયારી તેજ…

ભાજપે એક લિસ્ટ જાહેર કરી દીધું છે અને હવે ટૂંક સમયમાં જ બીજી યાદી પણ આવવાની છે. જો કે હવે આ વાતને લઈ તૈયારી તેજ થવા લાગી છે. આ સાથે જ બીજી યાદીના સંદર્ભે ગત સોમવારે સાંજે પીએમ મોદીની અધ્યક્ષતામાં કેન્દ્રીય ચૂંટણી સમિતિની બેઠક પણ યોજવામાં આવી હતી. જેમાં ભાજપની આગામી યાદી અંગે વિચાર વિમર્શ કરવામાં આવ્યું હતું. જોકે, બેઠક બાદ ઉમેદવાર જાહેર કરવા અંગે ચર્ચા થઈ હતી. પરંતુ યાદી બહાર પડી નથી અને ક્યાંક કંઈક અટવાયું છે. સૂત્રોના જણાવ્યા અનુસાર ભાજપની બીજી યાદી બહાર આવતા હજુ થોડો સમય લાગી શકે છે. તેની પાછળ ભાજપની ખાસ રણનીતિ સાથે ત્રણ મહત્વના કારણો જણાવવામાં આવી રહ્યા છે. તો આવો એના વિશે ચર્ચા કરીએ…

1 – કોંગ્રેસી નેતાઓ ભાજપમાં જોડાવા પર વિચાર મંથન

કેન્દ્રીય ચૂંટણી સમિતિની બેઠક બાદ એવી અટકળો લગાવવામાં આવી રહી છે કે ભાજપ સાંજે તેની યાદી જાહેર કરી શકે છે. પરંતુ સૂત્રોનું માનીએ તો બીજી યાદી જાહેર થવામાં હજુ સમય છે. તેની પાછળનું કારણ કોંગ્રેસના ઘણા વરિષ્ઠ નેતાઓનું ભાજપમાં જોડાવાની વાત ચાલી રહી છે અને ખેલ પડી શકે છે. જેને લઈને ભાજપ પણ આ નેતાઓને લોકસભાની બેઠકો પર બેસાડવા માટે કોંગ્રેસની જેમ મંથન કરી રહ્યું છે. ચર્ચા છે કે પૂર્વ મંત્રી લાલચંદ કટારિયા અને રાજેન્દ્ર યાદવને ટિકિટ આપવામાં આવશે. જેને લઈને પાર્ટી એ નક્કી કરવાનો પ્રયાસ કરી રહી છે કે બંને નેતાઓને ક્યાંથી ટિકિટ આપવી, જો કે એ તો સમય જ બતાવશે કે ભાજપ શું કરે છે અને શું નહીં?

2 – માનવેન્દ્ર સિંહ ભાજપમાં જોડાયાની ચર્ચા

લોકસભા ચૂંટણીના કારણે બંને પક્ષો વચ્ચે ભારે હોબાળો ચાલી રહ્યો છે. તાજેતરમાં કોંગ્રેસના 25 નેતાઓ ભાજપમાં જોડાયા હતા, જ્યારે ભાજપના સાંસદ રાહુલ કાસવાન કોંગ્રેસમાં જોડાયા હતા. આ દરમિયાન કોંગ્રેસના પૂર્વ સાંસદ માનવેન્દ્ર સિંહને લઈને ભારે અટકળો લગાવવામાં આવી રહી છે. એવું કહેવામાં આવી રહ્યું છે કે માનવેન્દ્ર સિંહ ભાજપના મોટા નેતાઓના સંપર્કમાં છે. આવી સ્થિતિમાં તેઓ પણ ભાજપમાં જોડાય તેવી શક્યતા નકારી શકાય તેમ નથી. જો માનવેન્દ્ર સિંહ ભાજપમાં જોડાય છે, તો સૂત્રોના જણાવ્યા અનુસાર તેમને રાજસમંદ લોકસભા બેઠક પરથી ટિકિટ આપવામાં આવી શકે છે.

3 – વધુ એક ડઝન નેતાઓ કોંગ્રેસ છોડી શકે છે

રાજસ્થાનમાં રાજકીય ઉથલપાથલ વચ્ચે રાજકીય તાપમાન સતત વધી રહ્યું છે. રાજકીય વર્તુળોમાં એવી ચર્ચા છે કે કોંગ્રેસના વધુ એક ડઝન નેતાઓ ભાજપમાં જોડાવાની તૈયારી કરી રહ્યા છે. આ નેતાઓ રાજસ્થાનના પૂર્વ અને પશ્ચિમ વિસ્તારના હોવાનું કહેવાય છે. એટલું જ નહીં, જયપુર, જાલોર, શ્રીગંગાનગર અને નસીરાબાદના નેતાઓની ભાગીદારી અંગે પણ ઘણી ચર્ચા છે. જણાવવામાં આવી રહ્યું છે કે કોંગ્રેસ સરકારના પૂર્વ મંત્રીઓ અને ધારાસભ્ય રહી ચૂકેલા નેતાઓ પણ તેમાં સામેલ છે. આ ઉપરાંત વિધાનસભાની ચૂંટણી લડી ચૂકેલી મહિલા કોંગ્રેસી નેતા પણ ભાજપમાં જોડાય તેવી અટકળો ચાલી રહી છે.

Leave a Reply

Your email address will not be published. Required fields are marked *